MýzART (eng. – MuzART) — Qazaqstandyq vokaldy-aspapty ansambl.
Top alǵash qurylǵanda quramynda úsh ánshi óner kórsetse, qazirgi ýaqytta VIA segiz músheden turady: Meırambek Besbaev, Sáken Maıǵazıev, Kenjebek Janábilev, Ǵalymjan Artyqbaev, Erlan Qulahmetov, Beksultan Arman, Erik Jasaqbaev. Sonymen qatar, toptyń quramynda Maqsat Bazarbaev jáne Bolat Joldasovtar óner kórsetti. Top qurylǵaly beri toptyń art-dırektory qyzmetin Erlan Júnisbaı, mýzykalyq prodıýseri qyzmetin Beksultan Arman atqaryp keledi.

MýzART toby 2001 jyldyń sáýir aıynda quramynda Sáken Maıǵazıev, Meırambek Besbaev jáne Maqsat Bazarbaev bar trıo retinde qurylǵan. Toptyń alǵashqy oryndaǵan áni – Muqaǵalı Maqataevtyń sózine jazylǵan Qanat Ibraımovtyń «Seniń kóziń» atty shyǵarmasy. Bul ándi olar alǵash ret Altynbek Qorazbaevtiń konsertine alyp shyǵady. Sodan beri MýzART elge tanyla bastaıdy.

«MýzART» vokaldy-aspapty ansambliniń oryndaıtyn ánderiniń kópshiligi estrada janryna jatatyn shyǵarmalar. Sonymen qatar, ansambl repertýarynan halyq ánderi men retro ánderdi de tabýǵa bolady. 2011 jylǵa deıingi on jyldyq tarıhynda 46 án jazǵan. Olardyń qatarynda «Óz elim», «Shynarym», «Shashbaýlym», «Qazaqtaı el qaıda», «Saǵyndym Almatymdy», «Úshqońyr», «Anaǵa sálem», «Qaıran kóńil» atty ánderi bar.

ALBOMDAR:

♪«Seniń kóziń»
♪«Átteń-aı»
♪«Esińe al»
♪«Rahmet saǵan týǵan el»