“Chvrlix” Haqqında

Ruslan Abdullayev (d.t. 13 Aprel), Chvrlix kimi tanınan (oxunuş forması [Çarli]) azərbaycanlı reper, söz yazarı və bəstəkardır. Naxçıvan MR, Şərur şəhərində anadan olub, Bakıda yaşayır. 9 yaşından musiqi fəaliyyətinə başlayıb.

Chvrlix — müasir Azərbaycan rap səhnəsinin qabaqcıl simalarından biridir. O, musiqi karyerasına 2009-cu ildə “Lil Charlie” təxəllüsü ilə başlayaraq ilk illərində daha çox klassik və flex rap üslublarında fəaliyyət göstərmişdir. 2013-cü ildə Rüzgar, DeFakto və Sensei Beatz ilə birlikdə “Neytral Zona” adlı qrupu qurmuş, həmin dövrdə “Tam Tərkib”, “Rap Var Dedilər Gəldik” və Türkiyənin güclü adlarından olan Contra ilə birgə layihələri olan “D.S.B” kimi diqqət çəkən track-lərlə tanınmışdır.

2015-ci ildən etibarən qrupun adı “Street Saints” olaraq dəyişdirilmiş, Chvrlix isə trap və daha melodik janrlara yönəlmişdir. 2016-cı ildən etibarən “Lil Charlie” adından imtina edərək “Chvrlix” kimi fəaliyyətini davam etdirmiş və trap, alternativ trap istiqamətində özünəməxsus üslub yaratmışdır.

2017–2018-ci illərdə yayımladığı “Lo$er”, “Çox Ağırdı Bugün”, “Biraz Uçun”, “Lunatik” sinqlları və “SVINTS” albomu kimi işlər onun yeni dövrünün əsas təməlini qoymuşdur. DeFakto ilə birgə hazırladığı “SVINTS” albomu emosional və melodik trap səslənməsi ilə fərqlənir.

Chvrlix-in musiqilərində urban həyatı, emosional gərginlik, sosial təcrid və şəxsi ziddiyyətlər ön plandadır. Onun lirikasında həm də müasir texnologiya və sosial reallıqlara qarşı ironik yanaşmalar hiss olunur. Autotune ilə zənginləşdirilmiş səmimi vokal ifaları onu həm yeni nəsil, həm də köhnə məktəb rap dinləyiciləri üçün maraqlı edir.

2025-ci ildə “Charlie” adlı solo albom layihəsi ilə uzun fasilədən sonra rəsmi dönüşünü elan etmişdir.

Diskoqrafiya:
2013 Lil Charlie adı ilə:
Tam Tərkib (ft. Rüzgar, DeFakto, Obama)
Rap Var Dedilər Gəldik (ft. Rüzgar)
D.S.B (ft. Rüzgar, Contra)
Darıxıram (ft. Rüzgar)

2014
Machine'nik (ft. Şehsan)
Beş Barmaq (ft. Rüzgar, Saybu Swag, DeFakto)

2015
İşıq Sürəti
Rap'in Üzü Qara (ft. Lee Wyatt)
Səmimi (ft. Rüzgar, DeFakto)

2016
Hava Limanı (ft. Rüzgar, DeFakto, Lee Wyatt, Gold Brain)

2017 – Chvrlix adı ilə:
Lo$er
Çox Ağırdı Bugün
Biraz Uçun (ft. DeFakto)
Lunatik (ft. DeFakto)

2018 – SVINTS (Chvrlix x DeFakto albomu):
Birdəfəlik
Səsin Gəlmir
Pəncərəni Bağladım
Sakit
Yalan Danışma
Hava Buludlu
Qardan Qızıl (ft. Mc B.u.S, Noton)
Dəyişən Deyiləm
Gözlədim Onu

2020
Yeraltı (ft. DeFakto)
Şuşa Qalası (ft. A$AP Gold)

2021
Drip (ft. DeFakto, A$AP Gold, aghanim)

2025
Charlie (gələcək solo albom – hazırlanır)