Rap - Intellectual

[Liedtext von "Rap"]

[Verse]

Das isch nid Rap für die Jungä

Das isch Rap vo mir a Di via Härz us dr Schnurrä

Das isch Rap wo verbindet, das isch Rap usäm tiefschtä Innärä

Rap zur Besinnig

Das isch Rap usäm Härz, das isch Rap wo no fägt

Rap-Shit wo ächt isch, Ja

Das isch Rap wie s’sächs ghört

Das isch Rap für d’Seelä und z’Ghör

Das geit a aui di Lüt wo dä Scheiss gspürrä

Und d’Hoffnig no nid hei ufgäh, dass Tröim säch wärdä erfüuä

Das geit a aui wo wüssä für was si kämpfä

Und wüssä dass ihri Liäbi zu Rap sä het verändärät

Das geit a aui wo lächlä bi däm Gedankä

Lächlä wöu si verstandä hei, z’Läbä isch öppis spannends

Das geit a aui mit dä Händ i dr Luft

Machät Lärm wienä Bängu ir Schu

[Chorus]

Das isch auäs für Di

Auäs isch guät so wie's isch

Auso nimm dr di Ziit

Relax chly zu däm Sound

Äs isch äs eifachs Rezäpt

Eifach ä Beat u chly Rap

Eifach so Chill und relax

Drum häb di Häng i d'Luft

[Verse]

Das isch nid Rap für die breiti Massä

Trotz so Tracks wo früsch si wie Leitigswasser

Und nei i mah o kes Klischee bedienä

Weisch äs git scho z’viu vo denä fake Siächä

Und irgendwie geits mr gägä Strich

Dass jetz jеdä’nä Gängster isch

Und jedä numäno rappt über Gäut

Abеr ke Bezug me het zu dr Wäut wonr läbt

Wett liäbr versuächä öppis z’vermittlä

Und dä Kids zeigä dass auäs im Läbä nä Sinn het

Möcht liäbr ä positivä Impuls sändä

Und bliibä drum offä für Reaktionä wienä Pulsmässer

Muäss nid räppä wie dr Kool Savas

Bliibä eifach mi säuber a.k.a. di cooli Sau

Schiis uf Gäut Junge, Wüssä isch Macht

Liäbi isch Trumpf, und d’Message isch aus