[Chorus]
Khoya hoon samay mein
Aadhi raat hoon akele main
Khoya hoon samay mein
Aadhi raat hoon akele main
[Refrain]
Hoon main ek jeev insaan ki tarah
Hoon main bhaybheet, vishraam na kara
Bheetar se toota, varshon ki maar
Aur varsha-toofan mein aaj bhi khada
Sadiyon se dekha jo sapnon ka aangan
Woh sapnon ka aangan aaj rakht se bhara
Thi khushiyon ki goonj har kone mein basti
Unn gyaara ki toli ka yaad hai chehra
Main yaad mein thehra
[Verse]
Pita ki kahaani, maa ka laarh-pyaar gehra
Meri chhat ke hi neeche, har shaam woh de pehra
Dekha beton ki jawaani se leke dulhe ka sehra
Jashn mein sangeet, har pal ho sunhera
Kuch kisse dil mein aur kuch meri baahon mein
Aabaad rahe, sukoon saath rahe
Roz kirdaar naye phir bhi
Har ek saans mein woh mujhe yaad rahe
Phir aaya woh daur, aatank ka woh kaala saaya
Dekha aankhon mein tha darr
Dilon mein keeda woh peeda ka samaaya
Mere pados vaala saathi bhi na abhi tikk paaya
Kabze ki aag ko har disha mein failaya
Dekha kaise raatein beeti, din kate bechaini mein
Maut ka ye khel toh phir betiyaan bhi sehmi
Pehle jahan pe khilta tha gulaab, wahan bachi padi tehni hai
Vichaaron ne tha ghera ye koi vehem nahi hai
Toli hui gyaarah se dus ki, phir dus se nau
Kiya faisla nikalne ke raste boht
Phir jab utha agli subah
Pata chala mujhe chhod diya gaya
Bas pade hue baste boht
Socha aaenge waapas, bas ye dus din aur
Isi aasha mein kaatein hein maine dus ye daur
Ho kasht ek aur tum karo jaake farsh pe gaur
Goliyon ke khol sookha rakht hai bahut
Lootere aaye kayi, unhone loot ke tha chhoda
Jala diya samaan, mitaa diya imaan
Hai bachaa nahi gumaan, mere dil ki zubaan
Sab chheen li, sab chheen li
Phir dheere-dheere cheezein behter hone lagi
Phirse khile woh gulaab jo they kone mein bhi
Ab main ho chuka khaamosh
Aur ye bhaav itna zyaada bhaari ki
Tum isko kabhi jaake tologe nahi
Chautees saal se hoon baitha soona
Main bhi swagat mein
Aisa lage waqt kam mila bitaane ko
Aasha hai ki agle janam hogi phirse mulakaat
Milenge phir se ishq phailane ko
Aasha hai ki agle janam hogi phirse mulakaat
Milega phirse ishq
[Chorus]
Khoya hoon samay mein
Aadhi raat hoon akele main
Khoya hoon samay mein
Aadhi raat hoon akele main
[Refrain]
Hoon main ek jeev insaan ki tarah
Hoon main bhaybheet, vishraam na kara
Bheetar se toota, varshon ki maar
Aur varsha-toofan mein aaj bhi khada
Sadiyon se dekha jo sapnon ka aangan
Woh sapnon ka aangan aaj rakht se bhara
Thi khushiyon ki goonj har kone mein basti
Unn gyaara ki toli ka yaad hai chehra
Main yaad mein thehra