[Gsproches Intro]

Was, heischs welle uf Bärndüütsch oder uf Züridütsch sege?

Züri

(Ah-ah)

Dir ds Bärn, dir heid Haue

Mir ds Züri hier, mir heid au Haue, d Chronehaue

Mega geil, das isch so chli nostalgisch irgendwie

Ich mag das mit de Instrument, würkli mega cool

Nice, was ihr mached

[Strofä 1]

Dert wo immer irgendöper duss isch

Öper usem Fänster schreit, ds z'lut sig

Dert wo aues immer i Verändrig isch

Du chasch si wi du bisch, o we du angers bisch

Wo Birkin Bag Penny Loafers Trainerhose

Lüt im 26. Stock wohne

Dert wonе Hund bäut im Stägehus

Dert wo jedä zwöit gsеht chli verläbt us

Wo mängisch öper abem Wage gheit

Jede Fründeskreis irgendöper mittreit

Dert wo im Summer d’Strasse no warm si

D Wintere läng Näbu tagelang verhanget

Wo a jedere Wand irgend e Name steit

Wo am Sunti spät no is Pronto geisch

Im Bett ligsch u plötzlech öper lachet

Geng öpis off het

Me nächtelang cha wach si

[Strofä 2]

Dert wo d’Lüt nid stiu si wesi müesse

Wod e Umweg machsch wend nid wotsch grüesse

Dert wo immer öper fürne 5er fragt

Wo a jedem Eggä no e Werbig hangt

Dert wo ds Aberot nid d’ Bärge, sondern d Sidlig trifft

Wo me aus git, me stouz ufe Xhaka isch

Wo wes mau rägnet aui schnäu is Schärme stö

S’Egge git wome aus Chind nid härä söt

Dert wo ufem Heiweg no eh Fründin triffsch

Dert wo eim irgendeinisch ds Glück fingt

[Gitarresolo]

[Bridge]

Will du bisch, was du bisch, wie du bisch

Du bisch

[Strofä 3]

Dert wo Bulle filze u wei lire

D’Heufti usstigt, we Kontrolleure istige

Wo niemer Heiweh het nach Bärge

Dert wo max 5 Prozent SVP wähle

Wo Schlüssubund Camel Blau paar Dosebier

Wo vili gange u vili widr cho si

Dert wo richi Kids uf arm mache

Wo a dä Baukön e Flagge hanget

Wo Lüt e Rägeboge gloube

Wo aui wüsse, bi wäm mä was cha choufe

[Strofä 4]

Dert wo Teenies z'dritt ufem Scooter fahre

Dert wo Badtuech TNs und e Fuessbau

Wome enang hiuft, sich nid jedä d Hang git

Doch mä immer öper kennt wo für eim da isch

Dert wo aui Brügge äs Netz hei

Dert wo d nümme weisch wo dis Velo steit

Wone Zisti cha si wi am Wuchenänd

E 911er e BMW im Kreis dräit

Dert wo Glück und Leid nöch zäme isch

Mä nachem Training no es paar vorem Mac trifft

Dert wo immer no e Demo isch

Wos e Bank het immer schnäu e Schibe bricht

Dort wo öper schlaft vorem Husigang

Corbusier äs türs Bild a dr Wand hangt

Dert wo Kings Kebab äs Dinner gsi isch

D Ärztin näbem Alki am Tisch sitzt

Dert wo’s immer nöch isch zure schiefe Bahn

Wome hüt nüm weis wime d Mieti zaut