[Verse 1: Ken, Josh]

Kanina ay nahuli ang aking sarili

Nakangiti na naman at nagkukubli

Ng tunay na kailanman ay 'di ko maipagsasabi

Na naman, na naman

At pagdating sa'king tahanan ay hindi

Ko na naman mahanap aking susi

Saang lupalop ko ba 'to naitabi?

Pasintabi na naman, na naman

[Pre-Chorus: Justin]

Nalilito, nahihilo na sa inyo

Nasaan na nga ba ang sarili kong pagkatao?

[Chorus: Pablo, Stell]

Sino ba'ng may tenga sa mga bulong ko?

Kahit pa 'ko'y sumigaw ay malabo

Oh, at tao po? Pakinggan niyo naman ako

Bakit 'di niyo subukang buksan ang bukas namang pinto?

Nang tuluyan nang makita niyo

Tunay na ako, 'di nagtatago

Sa likod ng bumubulag na ilaw na 'to

[Verse 2: Justin, Stell, Ken, Pablo]

Napapamuni-muni sa kawalan ng huni

'Di mapapirmi aking sarili

Ilaw nga ang dahilan

Kung ako ngayo'y nasa'n man

Ngunit kailangan kong magpahinga

Patayin ang ilaw pansamantala, oh

[Pre-Chorus: Josh]

Bakit gan'to? Inakalang magbabago

Kabayaran ba nito'y sarili ko'y maglalaho?

[Chorus: Stell, Pablo]

Sino ba'ng may tenga sa mga bulong ko?

Kahit pa 'ko'y sumigaw ay malabo

Oh, tao po? Pakinggan niyo naman ako

Bakit 'di niyo subukang buksan ang bukas namang pinto?

Nang tuluyan nang makita niyo

Tunay na ako, 'di nagtatago

Sa likod ng bumubulag na ilaw na 'to

[Bridge: Josh, Justin]

Heto na naman ako, patungo sa presinto

Mag-iisip ng kung ano-ano

Kailan ba'ng laya ko dito?

Heto na naman ako, oh

Pwede bang ipagpaliban muna ng isang linggo?

Pwede muna bang hinto?

[Post-Bridge: Ken, Stell]

Papalapit na, ako'y papalapit na

Bigat sa yabag ng bawat hakbang nitong paa

Patungo sa lugar kung sa'n ayaw kong pumunta

Wala na bang iba? Wala na ba?

Patuloy ang aking paghahanap sa pag-asa

Ngunit walang saysay pa ang pagmamakaawa

Ano pa ba ang kabuluhan nitong aking paghinga? (Ahh)

[Interlude: Pablo]

Sino? Sino? Sino?

[Chorus: Pablo, Stell]

Sino ba'ng may tenga sa mga bulong ko?

Kahit pa 'ko'y sumigaw ay malabo, malabo, malabo, oh

Sino ba'ng may tenga sa mga bulong ko? (Woah-oh)

Kahit pa 'ko'y sumigaw ay malabo (Malabo)

Oh, at tao po? Pakinggan niyo naman ako (Tao po? Pakinggan niyo 'ko)

Bakit 'di niyo subukang buksan ang bukas namang pinto? (Oh-woah, woah-oh)

Nang tuluyan nang makita niyo

Tunay na ako, 'di nagtatago (Tunay na ako, 'di nagtatago)

Sa likod ng bumubulag na ilaw na 'to

[Outro: Pablo]

Ooh, ooh-ooh, ooh