Tis belangrijk, int leven, oj achter etwa stoat

Daj da nie olene peist, mo lat deureschienen in doadn

Tgrotste kwoad is nie ontstoan deur dat er slechte menshen bestoan

Mor omdat de goeie veelol ter plekke bluvn stoan

Up et moment dat er beweging nodig is vanut de kern

Owe de wereld werkelijk proberen te beschermen

Zoender et positieve te bekrachtigen zien we gedoemd

Voer in e plekke te leven die juste tnegatieve noemt

Zeg wa meer ja, verdedigt meer je standpuntn

We zoen et leven dankboar moetn zien das us die kans gunt

Voe zelve e verschil te maken

Daj up et vlak van innerlijke ontwikkeling ku geraken woa daj wilt geraken

Is e woar geschenk, dus focust upt geheel

En Bekrachtigd je gedachten deur ze openlijk te deeln

Gift gin fuck, mo werkt an overkoepelend geluk

Voe iedereen in jen omgeving deur te richten up e plus

Ik zeggn ja, kzeggnt meer dan voluit

Ik zeggn ja tegen t'recht voe je mening te uitn

Ik zeggn ja tegen soevereniteit

Ik komn ut voe et ding dak in geloven en das positiviteit

Ik zeggn ja, kzeggnt meer dan voluit

Ik zeggn ja tegen t'recht voe je mening te uitn

Ik zeggn ja tegen soevereniteit

Ik komn ut voe et ding dak in geloven en das positiviteit

Ik zeggn ja tegen authenticiteit

Ja tegen tstoppn van e corrupte autoriteit

Kzeggn ja, tegen tredden van us amazonewoud

En ook tegen tstoppen van et zetten van kantoorgebouwen

Ik zeggn ja tegen e leven met vuldoening

En ook tegen winkels met olene nog gezoende voeding

Ja tegen leven in vernieuwende gemeenschappn

Woa dat de boasis liefde is en ieder stoat voe eendracht

Ik zeggn ja tegen et bannen van gmo's

Ja tegen doornen loatn zittn an e roos

Ik zeggn ja tegen een eerlijke bewuste cariere

En ja tegen et loon te plafonneren met barrieres

Ja tegen de liefde, ja tegen geluk

Ja tegen de kunst die us kut doen ontloaden van de druk

Van alledag, ja tegen de innerlijke kracht

Ik zeggn ja, zolange dakt voeln resoneren in me hart

Ik zeggn ja, kzeggnt meer dan voluit

Ik zeggn ja tegen t'recht voe je mening te uitn

Ik zeggn ja tegen soevereniteit

Ik komn ut voe et ding dak in geloven en das positiviteit

Ik zeggn ja, kzeggnt meer dan voluit

Ik zeggn ja tegen t'recht voe je mening te uitn

Ik zeggn ja tegen soevereniteit

Ik komn ut voe et ding dak in geloven en das positiviteit