Alba - Intellectual

[Verse 1]

Air sgiath a’ seòladh nan neòil

’S an domhain liath

Mar dhealbh a’ tighinn beò tro na sgòthan

’S mi tilleadh gu tìr

Alba nam beanntan àrd

Nan acraichean lom

Thairis air na lochan mòintich

Nan coilltean ’s nan gleann

Alba, Alba

Ach ’s e sealladh leòinte is gann

’N seo aig ceann thall an linn

Talamh àlainn nan daoine

Fhathast an làmhan duine no dithis

Cuibhlean stòlda mu dheas

Na fàsaichean a tuath

An taigh mòr falamh an Dùn Èideann

Gun chùmhachd gun ghuth

Alba, Alba

Alba, Alba

Sibhse chuir achadh ri achadh

Taigh ri taigh

Gus nach bi àit’ anns an tìr

An gabh sibh còmhnaidh air leth

Ach ’s math dhomh bhith seo an-dràst’

A’ cur fàilt’ air a’ bhlàths

San tìr tha cho ùr dhomh an-diugh

Is a bha i nuair bha mi nam phàist’

Alba, Alba