[Adamy :مقدمة]
الحمد لله مهما يصير ديما نقولوا الحمد لله
هذي سنة الحياة، فقراء و أغنياء
الغني ربي امتحنه، منين و وين امشي أعطاه
[رزقه شن جابه واخداه [؟
و الفقير ربي امتحنه يشوفه يصبر ولا لا
ارضي بالقدر و القضاء
ولا غضب الله و اعصاه
يا الغني رد بالك رد بالك تظلم، زكّي و اعطف علي الغير
و يا فقير ارضى بالقضاء و القدر ربي كبير
[Adamy :المقطع الأول]
وجعوني هلبا لبيين
فقراء مساكين
هما و الفقر أصحاب و أصدقاء من سنين
تشوف البلاد فيها عباد مخانب و مجرمين
تشوف بلاد المافيات و عصابات المسؤولين
ليبين أصليين في بلاد الخير مدوا ايديهم
في بلاد الشفط من النفط ما لقوش شن يعانيهم
مالقوش شن يعطيهم حتى آتفه و أقل حقوقهم
حبّوا الكراسي والناس تساسي، نسوا اللي خلقهم فوقهم
توجعني لما نشوف شباني في الشوارع يدور يلم في نعمة
برويطة في ايده، من اللي شاف ظروفه و دعمه
تشوف وحد أعمى، وقف في الشوارع ماد ايديه
دمعته علي خده، و صغاره جواع يراجوا فيه
نشوف في جوامع تعبت ، ناس فقيرة و محتاجة
بعد كل صلي ينادوا من يعطيهم حاجة
روس كبار مخانب، خنبوا كلوا حقوق الناس
ليبيا من أغنى الدول، و الشعب بيعلن الإفلاس
بروا شوفوا حياش المخانب، فيلات قصور و دوبلكس
و افتحوا ثلاجتهم، ريد بول نوتيلا، كورنفلكس
و ناس عاشوا في براريك، يبيك موقفهم
بش ياكلوا خبزة، بعتوا صغارهم في الشوارع باعوا كلينكس
تصرفوا علي السكس
و ماصرفتوش علي الايتامى
صرفتوا علي البراني، و ليبي يخلص في الغرامة
ليبيا، بلادنا، ضاعوا فيك هلبا أجيال
لكن مهما يصير احني الحمد لله ديما علي أي حال
[Adamy :اللازمة]
الحمد لله مهما يصير ديما نقولوا الحمد لله
هذي سنة الحياة، فقراء و أغنياء
الغني ربي امتحنه، منين و وين امشي أعطاه
[رزقه شن جابه واخداه [؟
و الفقير ربي امتحنه يشوفه يصبر ولا لا
ارضي بالقدر و القضاء
ولا غضب الله و اعصاه
يا الغني رد بالك رد بالك تظلم، زكّي و اعطف علي الغير
و يا فقير ارضى بالقضاء و القدر ربي كبير
[Adamy :المقطع الثاني]
يا مخانب يا لصوص، يا اللي نهبتوا خير البلاد
شوفوا العباد خلاص ساد، صفّروا العداد
تي شباب فاد من البلاد، كلّه حفر و رشاد
وعناد زاد، و كساد هاد علينا، و نبوا امداد
و اللي هدا منصب شاد، وفي الفساد يتفننوا
الولاد البلاد رقاد حتى العياد ما يتبننوا
So bad راهي المعيشة
هلبا ظلم و استكراد
من اليي يد العون ماد
و من اللي في بلادهم خمموا
حسوا بالغير، راعوا الظروف
ناس عايشة في المأساة، عائلات مشردة
و أرامل مطلقات
و شباب بطالة و حالتهم حالة و قطارهم فات
لا زواج لا مستقبل، دخلتوهم متاهات
هات اللي يفهم، هات و يحس
عايشين فوق بركة نفط، بس نعوموا في الفلس
لكن طز، مهما يصير الحمد لله
اللي يصبر و يخاف ربي، أكيد ربي معاه
اللي ياكل رزق يتامى، مستحيل يكون مرتاح البال
في هلبا ناس فقيرة، و ماتملكش إلا المال
حطها في بالك رد بالك بيهم تغتر
و تقول الدنيا تبي هكي، و يطغى عليك الشر
اصبر و استمر في الحياة، الدنيا تفوت
من قبل ماتاخد رزقك كله مستحيل تموت
الفقراء أكثر أهل الجنة، حطوها في بالكم
يا اللي كليتوا حقوق الناس، عوّلوا علي مكانكم
[Adamy :الخاتمة]
الحمد لله مهما يصير ديما نقولوا الحمد لله
هذي سنة الحياة، فقراء و أغنياء
الغني ربي امتحنه، منين و وين امشي أعطاه
[رزقه شن جابه واخداه [؟
و الفقير ربي امتحنه يشوفه يصبر ولا لا
ارضي بالقدر و القضاء
ولا غضب الله و اعصاه
يا الغني رد بالك رد بالك تظلم، زكّي و اعطف علي الغير
و يا فقير ارضى بالقضاء و القدر ربي كبير