[Paroles de Raid "Inexact"]

[Intro]

Nhar ktebt intro ja retard b7al 7yati

Ankon inexact f nhar wa7d, nhar mamati

[Couplet unique]

Tsennit had nhar 9albi ghaye7bess

Sma ka tnadi‚ te9ta3 fya l7ess

Brouda tel3at m3aya‚ w le7mi 3lya jmed

Koulla mouvement walou‚ ma kaynch rradd

Ra ghir ka ne7lem, chwya w ghadi nfi9

Ka ydouz lwe9t l7elma twalt nchef rri9

Wayli, deghya l'outro l7ayat

W b had l bassata safi 7yati salat

Seconde dert flashback rje3t llour

Film 7yati daz goddam 3ini b l7lou wel morr

Kolla 9wada w9aft‚ ya laytani 3odt

Ch7al men merra 7gart, ya dmaghi fine kont

Ka n7ess b kolla chah9a b7al chi mouss kaydreb

Dlou3i daghto riyyti, safi w9af l9alb

Lsan bla 3dem‚ w 3lach daba t7ajjer

Lsani kan cha3ir w daba f chahada 7ssal

Ka tesme3 "a Hamza fi9! wa wlidi fi9i!"

B delay ka nesme3 mmi : "wa Hamza fi9!"

Lwalid ka yejri, 7att yeddo 3el 3on9

Ghawwet b jahd fza3t, nta9 : "lmout 3lina 7a9"

Sma3t nwa7 lmima w khti m3a l2ard tkhebtat

Awwel merra gha nchouf dmou3 lwalid w 3lya 9etrat

Tseddoli 3ayni w 7ssit b rassi dossier classé

Daz 3lya noir w sodfa bel byed ghattawni

6h d sba7 l'famille weslat tcherre3 f bab dar

Khzana ka tebna, ka nesme3 de9an lmesmar

Tjem3o jiran ta 7edd ma fehem peer to peer

Khbar R3ida jat, s7abi kolchi bouche bée

Drari ra ghi ghaltin, gollihom ra ba9i 3aych

Khay Amine nta rak 3aref ch7al d7ekna de7k lbrahech

Hadi 3emma ka dwi, hada khal gal Allah yer7em

Wra l'mout bla drama 7essit biha ki lhemm

Wast lbka w nwa7, sme3t nwa7 b3id

9or2an ah 9or2an, tfekkert lmedrassa wel mssid

Tfekkert fach khdit l'bac, fierté f 3ine lwalid

Awwel salaire w 7lemt nbeddel 7yat lwalida 3id

8h d sba7, 9elbi jamais 3ref lkhouf

W f had sa3a l'angoisse w re3da men l'jouf

3errawni jouj rjal, w bach ne7besshom yeddi taret

9etra d lma ta7et, w 3la le7mi sa7et

Ghir 9owti li ra7et, w y3awmouni rjal

[?] tfekkert douche l7edd, wel walida bel kis te7rad

3awtani lbyed, bayna hada kfen

3ad 3reft lfer9 bine noir dlam wel k7el

Reddouni f le7d, w ya rit nerja3 l'mahd

Mimti ra derritini 3lach m3en9ani b jahd

Lwada3 a s7abi w 7babi sa3et l7a9i9a

Kherjouni w f nefsi ka netleb nzid ghi d9i9a

Hezzouni fo9 lktaf w tnawbo 3lya ch7al

B9at f wedni nhar ghatmout gha yhezzouk rjal

Sellaw 3lya ch7al del wjouh, bezzaf ma 3reftch

Kent bghit nselli chi rek3at, ma krehtch

Weslouni l 9ber, chouf smya ka tekhle3

Awwel merra nefhem me3na chber w 4 d sba3

7ettouni f dar jdida w t7ett 3lya trab

Tsa2elt 3lach dfenti khouk melli 9teltih a lghrab

Had l'amnésie f 9ebri kifma 7yati

Kent netsenna taw9 l'adresse ja mamati

Tsennit l7esla 3amma 9arib, nihaya kant 9reb

Ya Rebbi 7it bghit n3erfek b9it kharej ssarb

3afak a mimti bghiti boutonna d replay

B7al chi jeu 7ta ana bghit n3awd ndir play

3acht b7al l'maths exact, w hadi ma 7sebthach

W daba bou7di, m3aya f3ali fel kounnach