[Bənd 1]

Sətrə qatıb dad kimi söz maraqlı

Əlimə baxır min cürə göz maraqlı

Niyə fərqlənir, səhvlə düz? Maraqlı

Əlli niyə az? Niyə çox yüz? Maraqlı

Sizə biz maraqlı, bizsə sadəcə

Yolumuzu tutub gedirik sürətlə

Bir mətləb qara qalmır, kim axtarır ki

Kim sualına cavab almır?

Maraq artır kitaba, vərəqə, qələmə müddətlə

Nifrətlə, ya da icbari sevilmir heç nə!

Bunu bu yaxınlarda dərk etmişəm mən

Gecikmişəm ən maraqlı anında həyatımın

Damğam üstümdə - Gecikirəm!

Cəmi doqquz ay çəkib üsyanım

Yoluma davam, sonunadır marağım

[Keçid: Günəş]

Biri var idi, biri yox idi

Var olan heç kimə maraqlı deyildi

Olmayan isə axtarışda idi

Axtarışda idi..

[Bənd 2]

Axtarış bütün həyat

Başqa nə mənası var ki, guya? (Guya)

Kim isə tapsa, möhkəm deyərdi ki

Biz də duyaq (Biz də duyaq)

Bu həyat qaydalarla doludur

Dur, qaydalarını pozma oyunun

‘’Benjamin Button’’-u kim görüb ki?

Biz hamımız getdikcə yaşa doluruq!

[Nəqərat: PRoMete]

Qazanc dalınca

Günlər verilir

Əsəb... Əsəb...

Sinir gərilir

Qazanc dalınca

Günlər verilir

Əsəb... Əsəb...

Sinir gərilir

[Çıxış]

Olmayan isə...

Axtarışda idi...