[Bənd 1: Okaber]

Elə bil ''MS-13, Якудза, Kasta qurublar!

Marsda buruqlar tapılır

Usta ‘’круг’’ları dağıdır asta qruplar

Hansı ki, gözləri qan, səhərə qədər ‘’ПОСТ’’da durublar

Bizdə belədir gərdişi-dövran

Hər işi böhran olanın vərdişi böhtan

Gəlmişi çoxdan unudub keçmişini, bu qədər sadə

Vəziyyət fövqəladə

Dön gəl, Adəm!

Adə, mənə bax, biradər

Bu qədər matəm niyə, madam, hər kəs bərabər?

Danışır soyqırımdan, danışıdıqca soy qırılır

Deyir ki: “Üzümə tüpür, döy məni, söy, qırılım”

Əşi, nə isə... Bir gün başınız daşa dəysə

Ölümün gözünə baxın, 10 nəfərin 5-i ''gay''sə

İncə-mincə, ‘’domestic animal’’, ya da ‘’pet’’

Bizlər ‘’Lycan, majestic cannibal’’, ya da ‘’Mad’’

[Nəqərat: Okaber]

Mən, siz, bir də külək, bir də yağış

Sülh, hərb, müharibə, yoxdur barış

Gəl bax, gələn gedir, gedən ölür

Dön get on üç addım, geriyə dön gəl

Mən, siz, bir də külək, bir də yağış

Sülh, hərb, müharibə, yoxdur barış

Gəl bax, gələn gedir, gedən ölür

Dön get on üç addım, geriyə dön gəl

[Bənd 2: Okaber]

Mənə lazım deyil qafiyə əvəzinə ‘’rhyme’’ demək

Əsas daim demək

Kim nə qədər ‘’hit’’ yazıb? Bilmirəm, sayın, bilək

Medal asaq boynundan, ağzının payını verək

‘’Glamour’’ həyat tərzinə can atır can xanım

Qönçeyi-gül Badi-Səfa Töhfə Müşərrəf Pikə Sultan xanım

‘’Adriana Lima karması’’

Mənim sinəm dəftər, beynim mina tarlası

Tər basır düşməni, atıram replika

Satıram ‘’паприка’’, ədəbiyyata rep qatıram

Bir dənə ustad var, öldürəcək ulduzlar onu

Uşaqlıq travmam dostumun sevdiyi qızlar olub

Şou-biznesi tanımıram, əsl şou - rep

Bura ''Alcatraz, Guantanamo, Shawshank''

Divarlar qan içində, qanlı əllər murdar

Divarlar qan içində, qanlı əllər murdar

Dəlixanaya xoş gəldin! Hər şey xaotik burada

[Nəqərat: Okaber]

Mən, siz, bir də külək, bir də yağış

Sülh, hərb, müharibə, yoxdur barış

Gəl bax, gələn gedir, gedən ölür

Dön get on üç addım, geriyə dön gəl

Mən, siz, bir də külək, bir də yağış

Sülh, hərb, müharibə, yoxdur barış

Gəl bax, gələn gedir, gedən ölür

Dön get on üç addım, geriyə dön gəl

[Çıxış: Ali Khayyam]

Əsas gözlərimi anla

Sözlərimi başa düşməsən də, olar

Özündən keçib gəlməlisən

Yoxsa bağlanar üzünə ilahi qapılar

Sevgi ən vacib şərtdir

Səcdə etməsən də olar

Qurd ziyafətində bütün balıqları dünyanın

Allah çəkəcək qarmağın

Bu gün dostların yarısı əclaflıq titulunda

Oyanmışıq, qardaş, xeyirli olsun sabahın