[Songtext zu „Déjà-vu“]

[Part 1]

Wider mal e Tag wie jede andere

Sitz alleini da und versink i de Gedanke

Seg mir, wie chani mis leidende Ego behandle?

Mi Sinn für die Norme isch eh scho versandet

Jede luegt mi ah, so als chönnt er mi nid raffe

Gfange im System, all die Mönsche si wie Affe

Bi es Unikat, mann dir chöit mi nid verarsche

I bi nid wie dir und drum möchti nid ga schaffe

Lebe für mi Troum und drum möchti nid ga schlafe

Gloub a mi Erfolg wüu i weiss dass is cha schaffe

Liebe mini Fans, wüu si freue sich und lache

Aber luegi uf mis Konto gsehni 72 Rappe

Je witer dini Sicht, desto grösser isch dr Schade

Alli si verwirrt und i löse mi vom Schatte

Sit dir alli blind? Warum chömet dir nid nache?

Z'Lebe isch e Trip und mir chöme nie meh abe (Shit)

[Pre-Hook]

All das hie chunnt mir grad so bekannt vor

So verlore uf dr Suechi nach dr Antwort

Mal isch z'Glück da und mengisch bin i machtlos

Bi allei gsi und has selber i d'Hand gnoh

[Hook]

Und i machs nomal vo vor, bis i d'Krise wider gspür

Chunnt mir alles vor, wie es riese Déjà-vu

Schweiss uf dr Stirn, wüu i spil mit em Füür

Aber immerhin gib i mir Müeh (Ja)

Schnuf guet düre, wüu i gibe nid uf

Gspür dä ganzi Druck scho wider tief i dr Brust

Seg, bin ig dr einzig mit es bitzli Vernunft?

Irgendöppis ligt ider Luft

[Part 2]

Z'Schloss zu mire Freiheit isch nid easy zum knacke

Wüu i lebe nach mine Prinzipie, verbi a dr Masse

Mengisch denk i euch fehlt allne d'Ihsicht fürs Ganze

Rede die glichi Sprach, aber wird glich nid verstande

Ha e klare Chopf, akzeptiere was chunnt

Aber i bi wider broke und verdiene nid gnue

Doch jetz ufgeh wär schlimmer, und drum seg i

Figg uf di Job, i stah lieber im Sumpf

Wüu i kenn die Gschichte scho vo de Lüt wos hei gschafft

Us em Nüt, ohni Halt, ohni Glück, ohni Chraft

Z'Universum git e Chance und tuet d'Tür offe lah

We d'di würklech und ganz uf d'Verrücktheit verlasch

Alls scho mal gseh, alls scho mal ghört

Halt mi für dumm, halt mi für gstört

Isch mir so egal, wüu i bhalt mini Seel, bhalt mini Würd

Ja de bin i halt chli bedrückt, halt chli verrückt (Ey, fuck)

[Pre-Hook]

All das hie chunnt mir grad so bekannt vor

So verlore uf dr Suechi nach dr Antwort

Mal isch z'Glück da und mengisch bin i machtlos

Bi allei gsi und has selber i d'Hand gnoh

[Hook]

Und i machs nomal vo vor, bis i d'Krise wider gspür

Chunnt mir alles vor, wie es riese Déjà-vu

Schweiss uf dr Stirn, wüu i spil mit em Füür

Aber immerhin gib i mir Müeh (Ja)

Schnuf guet düre, wüu i gibe nid uf

Gspür dä ganzi Druck scho wider tief i dr Brust

Seg, bin ig dr einzig mit es bitzli Vernunft?

Irgendöppis ligt ider Luft

Und i machs nomal vo vor, bis i d'Krise wider gspür

Chunnt mir alles vor, wie es riese Déjà-vu

Schweiss uf dr Stirn, wüu i spil mit em Füür

Aber immerhin gib i mir Müeh (Ja)

Schnuf guet düre, wüu i gibe nid uf

Gspür dä ganzi Druck scho wider tief i dr Brust

Seg, bin ig dr einzig mit es bitzli Vernunft?

Irgendöppis ligt ider Luft