[Songtext zu „Stroßebahn“]

Do sitz zo Huss un loos nor op ding Flimmerkess

Ich setz om Sitz, weil hee et wohre Lävve es

Hee em Wajong es besser wie em Kino

Wä Minsche hät, bruch keine Tarantino

Lävve ohne Schinn mäht einfach keine Senn

Dröm steig doch einfach en!

Met d’r Stroßebahn - einmol quer durch Kölle, weil mir

Loss drop han - mir sin zwar nit pünktlich, doch mer

Kumme aan - us däm Veedel en die wigge Welt

Jo, met d’r Stroßebahn - einmol quеr durch Kölle un mir

Stoße aan - nor nit alkoholisch, weil dat

Kostе kann - fahre immer wigger, bes se hält

D’r nächste Halt, die Lück kumme zosamme

En off’ne Dür - ejal, woher se stamme

Ärm oder rich, Jewinner un Verlierer

Sin hee all glich un sitze en enem Vierer

Fahrsching erus - do kütt ‘ne Kontrolletti!

Einmol jescannt un alles es paletti

Üvver dä Rhing vum Stadtrand bes noh’m Nümaat

Op Reis om Gleis durch die Odere dä Stadt