[المقطع الأول]
جيت من اللا شيء
زميلي قولي في إيه أخاف عليه
بصرف الشيك وأبعد عن العين
الدنيا ضيقة، الدايرة زيها
السما سقفنا، ده المتفق عليه
ما حدش هيقدر قد إيه عانيت
مع ذلك مش فارقة
مين كان يصدق؟
تلف الأيام وعلى نفس المبدأ
خلاصة الكلام ما تغيرنيش المادة
(بع، بع، بع)
ما حدش شافنا غير ولازم يبرق
سنين بنغرب وأتارينا بنشرق
من كتر المشي كانت رجلي بتشقق
يا كتافي شيلي شيلي شيلي
يا قلبي إنسى إللي ناسيني
يا عين بصيلي ولا تإذيني
زيدي زيدي زيدي زيدي
يا بركة زيدي زيدي زيدي
أنا إللي أمي بتدعيلي
وربي بس إللي بيديني
بجيبها ما أستناش تجيلي
الشارع هو إللي مربيني
ما لقتش حد يعديني
كله كسر، كله صيني
[اللازمة]
وع العادي يابا
كل دولا كوم وأنا كوم
دون زي ڤيتو كورليون
المشاعر بقت فريون
كنا تحت الأرض وبقينا فوق
[المقطع الثاني]
(فوق، فوق، فوق، فوق)
جيت بصيت ما لقيتش حد جنبيا
(فوق، فوق، فوق، فوق)
مش فارقة معايا مين إللي جاي بعديا
الكذب بيخنقني أكني لابس بوليستر
الكذب ع الفيسبوك على تويتر وإنستا
مايسترو جيلي، المجال قالبه أوركسترا
أخصام كتير مش لاقي مكان جوة اللستة
آه وشغالين
الإستهتار ما بيجبش الجنيه
عُمر الأندال ما يفتكروا الجِميل
والمؤمن عمره ما يتلدغ مرتين
بارانويا من كتر المزيفين
يا معايا يا ضدي، ما فيش بين البينين
للآخر نفسي أنا هحمي العرين
كبر المجال وبقى Open بوفيه
في لحظة نقلبها فيلم Action
من غير ما أجز بدون ما أتنشن
أبطال الـ Show لو مش مترجم
ما حدش بيسوق لما أنا بركن
سايحين في بعض شباب بلاستيك
عليكو أردم Wave تركبوا الـ
صعب أتشغل، سهل أشغل
[اللازمة]
وع العادي يابا
كل دولا كوم وأنا كوم
دون زي ڤيتو كورليون
المشاعر بقت فريون
كنا تحت الأرض وبقينا فوق
[المقطع الثالث]
إبلعلي ريقك ،Y-Young legend made it this far
كان كان كان نفسي بارات أغانيكو تكونوا عايشينها في الحقيقة
ها، بفكركو لو نسيتوا
إسمي في التاريخ وصعب تشيله (صعب)
وإحنا ماشيين كنتوا إنتو جيتوا
Finito الشغلة خالصة، برو
واو، ما بنعاشرش ملوثين
واو، ما تشوفناش مريلين
واو، نصبرو عليها بالسنين
قصاد الـ Family تولع الملايين
This is how to be a king
[اللازمة]
كل دولا كوم وأنا كوم
دون زي ڤيتو كورليون
المشاعر بقت فريون
كنا تحت الأرض وبقينا فوق
[الخاتمة]
زميلي قولي في إيه أخاف عليه
بصرف الشيك وأبعد عن العين
الدنيا ضيقة، الدايرة زيها
السما سقفنا، ده المتفق عليه