Di alam na naiwan na
Di alam kung ba't andyan ka pa
Tanginang 'yan
Hinayaang maiwanan
Di na nakikipag-unahan
Laging tulala
Tila ba dumudulas na naman ako palabas sa 'king binuong sirkulo
Mga panalangin ko sa hangin, sa gabing malalim, ama namin, pahingi akong simbolo
Sumisigaw, "walang iba kundi ikaw" ang sabi sa 'kin ng isa ko pang idolo
Pa'no kung lahat ng mga 'to ay nasa ulo ko lamang, sulatan ko kayang kanta, ano'ng titulo
Ang pwedeng gamitin, painitin agad ang koro
"Mas matalim sumugat ang utak kesa sa bolo"
Ngunit no'ng nagkulang, sakit ko ang pinagkunan ko ng tono
Do'n ko natutunang mag-abono
Kung kabaliktaran ang napiling iulat
Mariing sinulat ang magiging resulta't
Kalalabasan ng aking malikot na utak
Langit na kulay-dugo at madilim na gubat
Sa dami ng aking mga hindi akalain
Ay nagawa kong yakapin ang masamang pangitain
Marahil di ko kayang tiisin, at palipasin
Ang araw nang di iniisip na ako'y mamalasin
Napunta sa pinakatahimik na bahagi ng aking yugto
Habang ang mga mata ay palaging mugto
Kalungkutang malugod kong hinahatid-sundo
Nakaapak ang dalawang palad sa lapag
Bilang bata, di ako marunong mapagod
Pagbagsak ng dalawang lagalag
Nakarinig ako ng tinig sa radyo't
Pinakiusapan ang may-ari na palakasan
Pinakinggan hanggang sa maramdaman
Pinakilala sa 'kin ang pag-ibig, di ko mapigilang di awitin kahit di ko na matandaan
Di alam na naiwan na
Di alam kung ba't andyan ka pa
Tanginang 'yan
Hinayaang maiwanan
Di na nakikipag-unahan
Laging tulala
Ang pinapahiwatig, simula no'n, nawala sa aking katawan ang
Taglay kong ligalig, dala ng matatalinghagang bagsakan
Na bibig lang ang gamit, abot sa langit ang bilib, daig ko pa ang mga
Kalapating nadagit, wala na 'kong takas, wala nang pangkapit, malapit nang mabaliw dahil
Sa musikang narinig, nalaman kong ito ang aking gusto
Mabilis man o mabagal, kayang-kayang paghusayan nang husto
Bawat likod ng kwaderno, laging may berso, may sariling mundo
Kahit saan man ang pwesto, mainit o presko, gano'n pa rin ang pulso
Sabi ng mi unico amigo, ‘bakit di natin subukang sumugal na para bang casino?’
‘Ako na ang bahala sa beat mo, ang kailangan mo na lang ay bumuo ng malupit na ritmo’
‘Di ba malapit ka sa peligro, kaya mong dalhin kahit saan ang kamalasan at delubyo?’
Tila sampung salot sa Ehipto, lirikal at literal na magliliyab ang studio
Sinalangan ng sakripisyo, puro lang pangarap ang naging bisyo
Inilawan ng talino ang anino ng aking lumalaking ego
Kapag inihipan na ang silindro, pakigising na ang ministro
Dasalan ang mga laspatangang nilalang dahil parating na ang huling Antikristo
Di alam na naiwan na
Di alam kung ba't andyan ka pa
Tanginang 'yan
Hinayaang maiwanan
Di na nakikipag-unahan
Laging tulala