[Testo di "Intro"]

[Strofa]

Tu ca te domande chi songo, nun 'o saccio manco i'

Tengo a chesta, nn'è italiana e a me me chiamma "papi"

Mamacita viene mo, dimme, ma primma addò stive?

Pecché c''o grasso dint'ê mmane forse manco me vedive

Voglio accattà diece palazze sulo p''e dà a mammà

E quanno po vò coccosa, nun ha dda manco parlà

Pecché nun saccio essa ancora quanto ancora sta ccà

Pecché purtroppo 'a vita ogge nun c''a pozzo accattà

Vulevo na scarpa costosa, mo 'a tengo 'e tutt''e culure

Vulevo chella guagliona c''o mezzo 'e tutt''e culure

Ca si passava, nn''a guardavo, troppa bella pe'mmé

E mo m'addormo 'nzieme a essa, essa vò nu criaturo

Chi ha scritto a Bibbia, voglio fà sulo na domanda:

"Gesù Cristo, si esiste, addò sta? Addò cumanna?"

Stanno criature ancora ogge, 'o ssaje, ca moreno 'e famme

Pecché nun ce rispunne quanno nuje po pregammo?

'E patte 'e sanghe dint'ê stanze purtroppo l'aggio fatte

Mammà nun chiedere niente, a te spiegà è complicato

Tengo na vita annanze, ma già aggio fatto abbastanza

Primma ch''e scarpe bucate, mo stongo oro e diamante

Pecché nun saccio chi songo oppure chi vulesse essere

E moro cu na cattiveria e vivo cu nu malessere

Sto cercanno ancora ogge, sta chi s'accide pe'mmé

Dint'â capa ch''e penziere ca nun fanno pe'mmé

Mammà nun chiagne e mo s'addorme sempe e sulo serena

Però sta male e nun me trova quanno essa se sceta

M'esse vennuto tutte cose sulo p'essere sano

E saccio che po aggi''a murí sulo fra nu paro d'anne

Brrah