[Luzi Part]

Fliessende öbergang vo teenie zo alzheimer

Ech verlauf mech zwösche lavabo ond badtööre

Hands down för de nachzögler / mini idol

Alli satt / heisst ech chome nüme znacht öber

Si send met azoog etz achoo ide gsellschaft

Hend eri konscht denn als erschts grad mol glattbögled

Peinlechs schwiige ide usverchaufte stadie / noch

Jedem song gez nor no das ba dum tsh vom schlagzüger

Ech fende dwohrheit ide bärge ond roll wiene lawine

Zrogg id city voller glashüser / ah / nach de

Erschte diskrepanze weder ufem tesch am tanze

Randvolle whisky tumbler / ha doch käi ahnig was mer astüüred

Met de verflossne liebi s'chössi teile

Ond öber stonde hondert zongeköss nor atüüsche

Sorry ech ha vergässe wie sech ächti sache afüüled

Ech legg mis handy norno wäg wenn öbber alüüted

Karriereräscht aktiv / passiv / beidi

Siite hend es fucking burnout vom arschchrüüche

Todesfalle fenschter / herrelosi benzer

Chriidesilhouette ide schatte vode parkhüüser

Ond du mosch schaffe ond ned teile sondern ahüüfe

Sesch so bequem sech lo azlüüge / si killed

Ond verrecked för die note / ech erweck si vo de tote

Aber eri seele / m sorry / die liid no es grab tüüfer

[Hook]

Bang bang / chopf gäge spiegel

Wer sprengt zerscht (ech) (no way)

Bitte ned stööre / so nöch beni mer scho

Lang nömme gsi / ond es macht

Bang bang / chopf gäge spiegel

Wer sprengt zerscht (ech) (no way)

Bitte ned stööre / so nöch beni mer scho

Lang nömme gsi

[Mike Part]

Ech ha geschter nacht vier frömdi männer is huus gloo

Mark jeff tim larry / all hend mi usgnoo

Bitcoin / big data / wer sell no drus'choo

Si verschaufed eres app / e chli sex ond e muulchorb

Si dräied döre wäg de virtuelle coins

Ech rauch virtuelli joints / pflanz im dschungel nöii böim

Läbe imne chefig ond ha börgerlechi tröim

Log mis image esch on point

Bevor echs sälber wäiss / wössed algorithme was ech wett

Fegge bomse blose ond e flog met easyjet

CO2 i hemmel bis de henderletscht verreckt

Ech ha honderttuusig chats ond sit woche nömme gredt

Entschäide mech för snooze i mim flauschige versteck

Aber d'siri hed mech gfonde ond mech biorhythmisch gweckt

Ziit för mini erschte ziile schlofend no im bett

Ech ha honderttuusig chats ond sit woche nömme gredt

[Hook]

Ond es macht bang bang / chopf gäge spiegel

Wer sprengt zerscht (ech) (no way)

Bitte ned stööre / so nöch beni mer scho

Lang nömme gsi / ond es macht

Bang bang / chopf gäge spiegel

Wer sprengt zerscht (ech) (no way)

Bitte ned stööre / so nöch beni mer scho

Lang nömme gsi (niemols boy)