8 Kilometer - Intellectual

(Verse 1: Mike)

Jede Tag lösched tuusigi vo Liechter i der inne ab

Flüssed tuusigi vo Träum chlini Bäch derab

Sie det äne hed nome e chlini Chance gha

Eres Läbe hed sie zwonge dass sie d'Koffere packt

Ere Name weiss da keine, will sie redet ned vell

Sie wartet nome uf de lang ersehnti Rettigsring

A de Hose wissi Ränder vom Meersalz

In Griecheland die letschte Meter dur's Meer gstampft

Sie hed ehri Öberfahrt lang gspart

Schlepper bar zahlt

Fast met ehrem Läbe zahlt

Jetzt no 8 Kilometer

Öber d'Brogg bis nach Schwede

Bis zum Garten Eden

Ned im Boot, dasmol im moderne Zug

Links, rechts frömdi lüüt, ihre Rucksack ufem Schoos

S'esch alles wo sie no hed, ihres Liecht brönnt schwach

I dere dunkle Nacht, suecht sie ihre neue Platz

(Bridge)

Sie wott nüd vo der, Sie wott nüt vo mer, Sie wett nor kei Problem

Er wott nüd vo der, Er wott nüt vo mer, Er wett nor kei Problem

(Hook; Luzi)

Geb mer e chliine Momänt im Schärme

Hinderem Meer liid es Meer us Schärbe

Ond di Blick schickt mich zrogg det he

Bitte loh mi loh mi nome chorz döreschnufe

Bitte loh mi loh mi nome chorz schnufe und scho bini wieder weg

Duet mer leid hani gstört

(Verse 2: Mike)

Jede Tag lösched tuusigi vo Liechter i der inne ab

Flüssed tuusigi vo Träum chlini Bäch derab

Er det äne schriibt die Näme uf es nasses Blatt

Suecht vergäbe nochere Decki für de Mustafa

Sie hend grad 38 Mönsche us dem Boot gholt

Wenn sie wüsstet, dassne s'schlimmste no bevor stoht

Schwimmweste, nassi Chleider und kaputti Sohle

Er nimmt die neue mit und zeigt 'ne wo's chönd Ässe hole

Er isch eigentlich da ähne cho zum Hälfe

Zum verändre, jetzt muess er sälber kämpfe

Irgendwie begriffe was da grad passiert

Deheime uf de Strasse wird gägs frömde Demonstriet

Sie schribed die Parole uf so farbigi Plakat

Frömd im eigne Land, üse Wohlstand bald im Arsch

De Mustafa esch 12i und er wett nor betzli Schärme

Hinder dem Meer liid es Meer us Schärbe