[1ère partie]

Ikkat udfel ɣef udrar

Veddeɣ di tizi

Yenta-yi usemmiḍ deg ul

D allen-iw iwumi d iqqaṛ

Tecfamt i temẓi

Mi lmut deg medden akk teggul

Lgira tfuk irgazen

Yeɣli-d igenni ɣef tmurt

Ḥaca lmut i ttmuddun

Wa yugad-itt am waɣzen

Wa yettmenni-tt am laɛnaya

Γef Lzzayer n tirga nneɣ

Idamen uzzlen d isaffen

Sebɛa snin wid ɣezzifen

Ar ass-a neqbel ad nenaɣ

Xas ad yas i yugaren aya

Ǧeṛǧeṛ yezzi-d s weɛrur

I w aḍu yeṛɣa-n

Amer ad yeglu s yir lexbaṛ

A wid yеwwet acḥal d ugur

Seg-wen wid yеɣṛan

Ad sen qqazen deg tmuqbaṛ

Axaṭaṛ tecba-m tafsut

Am Lyabes d Flisi

Si Lḥadrin d Busebsi

Buxebza Ṭahaṛ Ǧaut

D wid akk i ten i ḍeffṛen

Cffu-t a wid i ten inɣan

A yat iccumar s lmus

D wid i wen d ifkan afus

Ibaɛtiyen d wid i ken-ibɣan

D Lzzayer nneɣ ara ibedden

[2ème partie]

Diri tignawt n ass-a

Mi d kkreɣ sveḥ

Kkawen deg-i inetman

Teṛɣa s ṛmel n ṣṣaḥṛa

A tvan ad tt-qveḥ

Kulci d iɣli ara aman

Ṛṣaṣ, idamen, lbaṛud

Di lǧemɛa ar ass n lexmis

Wa ur ittissin axṣim-is

Ur nezdi tizdi uqaṛmud

Izeṭṭen tagmat n tidet

Awit-d akk ifassen nwen

Kunwi a yarraw n Lzzayer

Yir tagnit ar ad tt-nezger

Ad nesbed tigduda-nneɣ

S tlelli s tugdudt i tmazɣa