Aneft-iyi ad cnuɣ

A neqqwel akw d werǧeǧǧi

Yal yiwen anda yesṛeɣṛuɣ

Ur yeẓṛi acu ara d y-ini

Γef yemsefliden ţlummuɣ

D kunwi i ɣ-igan tannumi

Teqqarem i uqeṛṛu d umeẓẓuɣ

Ccna telha i ccḍeḥ ţ-guni

Wi g-lemden ad isgember

A d-yas ɣurwen ad yecnu

Kunwi a t-magrem s cekker

Dɣa neţţa as-yini ad nernu

Di teqlaṭ a kun izzuɣeṛ

S wacu n taɣect wacu usefru

Wi g-maɛnen tinim-as wexxeṛ

Fella-k ar qavel ad nerzu

Anwa ur necni ɣef tayri

Almi zeglen lmaɛna-s

Nemseḥmal vava-s yugi

Neɣ teǧǧa-yi ṛɣiɣ fell-as

Atah wi mi neqqar tayri

Atah wi mi nsell kul ass

S lɣeṛva d lemḥani

Ţlaqaven-aɣ akw leǧnas

Γef laɛyun ţmeslayen

U nekwni ur neẓṛi d acu

Wissen ţimmi neɣ d allen

Neɣ d ayen nniḍen neţţu

Ţḍeggiṛen-aɣ deg meslayen

Yiwen ur yeẓṛi anda t-ţeddu

Akwi-t a widak yeṭṭsen

Idles nneɣ irekku