’A Cimma - Intellectual

[Testo di "'A Cimma"]

Ti t’adesciâe ‘nsce l’èndegu du matin

Ch’á luxe a l’à ‘n pé ‘n tèra e l’átru in mà

Ti t’ammiâe a ou spegiu de ‘n tianin

Ou çé ou s’ammià a ou spegiu dâ ruzà

Ti mettiâe ou brûgu réddenu ‘nte ‘n cantún

Che se d’â cappa a sguggia ‘n cuxín-a á stria

A xeûa de cuntâ ‘e págge che ghe sún

‘a çimma a l’è za pinn-a a l’è za cûxia

Çè serén tèra scûa

Carne ténia nu fâte néigra

Nu turnâ dûa

Bell’oueggé strapunta de tûttu bun

Prima de battezálu ‘ntou prebuggiun

Cun dui aguggiuîn drítu ‘n punta de pé

Da súrvia ‘n zû fítu ti ‘a punziggé

Àia de lûn-a végia de ciaêu de négia

Ch’ou cégu ou pèrde ‘a tèsta l’âse ou senté

Ondú de mâ miscióu de pèrsa légia

Cos’âtru fâ cos’âtru dàghe a ou çé

Çé serén tèra scûa

Carne ténia nu fàte néigra

Nu turnâ dûa

E ‘nt’ou núme de Maria

Tûtti diài da sta pûgnatta

Anène via

Poi vegnan a pigiàtela i câmé

Te lascian tûttu ou fûmmu d’ou toêu mesté

Tucca a ou fantin à prima coutelà

Mangè mangè nu séi chi ve mangià

Çé serén tèra scûa

Carne ténia nu fàte néigra

Nu turnâ dûa

E ‘nt’ou núme de Maria

Tûtti diài da sta pûgnatta

Anène via