[Bənd 1: L-Mir]

Xatirələr oyatdı pəncərə nəyə görə?

Hər şey başladı pəncərədən əvvəlcədən

Adi kəlmədən, daha nədən

Gəlməkdən, getməkdən

Məhəllə, məktəbdən

Bir yerdə, hə, gizlicə gəzməkdən

İlk sevgi, məhəbbət beləcə yarandı

Bu tale, qismət gecədən qaradır

O bilmədi, nədən başladı soyuqluq

Gün gəldi, görüşlər kəsildi bir yolluq

Qalsa da sevdiyi uşaqlıq illərində

Yaşadı sevgisi ürəyində, dərində

Bir gündə o qaldı yalqız

Fikrində yalnız o qız, o qız

[Nəqərat: Rasim Müzəffərli]

Ay məni məndən alıb gedən

Dərdlərim dərdə salıb gedən

Ləzzəti çörəyimdə, ağrısı kürəyimdə

Həsrəti ürəyimdə qalıb gedən

Ləzzəti çörəyimdə, ağrısı kürəyimdə

Həsrəti ürəyimdə qalıb gedən

Gecə çatdı səhərə

Laylay dedim şəhərə

Açılmadı bir kərə

Pəncərən, pəncərən, pəncərən

Pəncərən, pəncərən, pəncərən

[Bənd 2: Anar Abdulla]

Var bu məhəbbətin davamı

Pəncərənin o yanı, qız olan yanı

Yağışlar cizgilərdi dünyanı o qız

Yenə pəncərədə göründü

Kənardan adicə görüntü

Əslində xəstəlik, üzüntü

Həkimlər deyirdi şəfasız

Oğlan düşünürdü vəfasız

Pəncərədə görüşdü onun baxışları

Pəncərədə öpüşdü onun baxışları

Pəncərəyə düzdü naxışları

Gözündən süzülən yağışları

Çalışdı, yarından olsun uzaq

Səbəbi o qıza bəllidir ancaq

Bu sevgi naminə ayrılsaq, açma

Pəncərəni açmaq, uçmaq

[Nəqərat: Rasim Müzəffərli]

Bir daha gəldim o yerlərə

Tanış küçə, tanış pəncərə...

Bir ömür yaşayaydıq

Bir günlük qovuşaydıq

Bir anlıq qayıdaydıq o illərə...

Gecə çatdı səhərə

Laylay dedim şəhərə

Açılmadı bir kərə

Pəncərən, pəncərən, pəncərən

Pəncərən, pəncərən, pəncərən

[Bənd 3: ABD Malik]

Son nöqtəyə yaxınlaşmaq

Olmamaq qorxusunu aşmaq

Əziyyətlə rahatlaşmaq

Zülmdən zülmətə bir anlıq uçuş

Payızın xəzan nəfəsi

Yolu qısaltmaq həvəsi

Ömrün sonuncu qəfəsi

Möhlətdən qismətə bir anlıq uçuş

Nə acizlik, nə igidlik

Həm ölülük, həm dirilik

Bir bilirikmi, bilmirik

Cəhlətdən cənnətə bir anlıq uçuş

Cəhlətdən cənnətə

Bəlkədən əlbətə

Birinci son dəfə

Xəlvətdən xəlvətə

Eyvandan həyətə bir anlıq uçuş

Sürünməkdən qurtuluş

[Nəqərat: Rasim Müzəffərli]

Gecə çatdı səhərə

Laylay dedim şəhərə

Açılmadı bir kərə

Pəncərən, pəncərən, pəncərən

Pəncərən, pəncərən, pəncərən

Pəncərən, pəncərən, pəncərən

Pəncərən, pəncərən, pəncərən