Rapso - Intellectual

[Verse 1: Da Face]

We high in the corruption index

We ah small island, ah mad (stress) and ah been vex

Coming like ah super soldier when dey inject

Serum in de veins super saiyan when de ting flex

Ah going to grip the mic straight till death

Bitter like a man in debt but he still (stress) fete

Government get we trust and dey milk it

White collar crime and you cyah make a jail yet

[Verse 2: Da Face]

Ah going to make a jail with this one

Ah getting no bail cause ah snipe from a distance

Mih aim doh fail ten shots never miss once

And ah gone in ah instance

Rapso flow no biggie or kane

No indicator swerve in Lancelot Layne

Straight innovator men say daz no sane

When yuh see me later flood in Port of Spain

[Verse 3: Da Face]

Granny used to say doh follow nobody

Used to eat green plum cause de yellow too runny

Now mih belly not yellow ah doh fraid nobody

Know who ah ha to be, ah talking bout holly

Dragon breathing fire you are more unsullied

We are trini tell me weed how you go pop molly

Future crab let we breathe how you go stop money

Boy you in a dollar jam and the deejay call mummy

[Verse 4: Da Face]

Killing on de beat but ah so angelic

You doh wanna try me ah go give you headache

Trinis like salt we is so embedded

Never going to stop like a troll going on reddit

And we going up growing up now you see we glowing up

Now we getting big now ah few friends showing up

Ah doh need dem, read books now ah know enough

[Chorus]

Trini's like salt we's...rapso flow no

Trini's like salt we's million dollar jam

Killing on de beat we's so angelic

You doh wnna try me ah go give you headache

(x2)

[Verse 5: Da Face]

Yuh really wah mess with the hardest working

Far from certain

Ah grind till mih abs are hurting

Mark mih turf, big shark and yuh passing surfin

Get yuh style put down like bags ah curtain

Trini to de world men was smirking change tune

But dey copy it far from perfect dey doom

Is imminent to break it down as say soon

I bringing it tell de radio make room

[Verse 6: Da Face]

This a south boy ting ha to represent

Do the rapso ting, I in mih element

Throw a militant tweet and a at a fan

We is kindred peeps going at a klan

No label ah give mihself an advance

Turn tables dey say ah never stand ah chance

Dey eh able, de love spread hand to hand

No fable, survey saying iz de man

[Verse 7: Da Face]

Tell yuh iz de man when i do my ting

Steady getting fans every tune I bring

Now we on de top allyuh watching we0

Allyuh too bad mind just stop it please

[Verse 8: Da Face]

Lewwe do de ting we starting off now

Two puncheon shot and you parking up now

We done buy a half you have enough now?

And yuh girl did pass to raj you up now

Just pace on beat ah starring up now

Is face on yuh beat you large enough now