[Verse 1: Diens]
Hingerlöh di schüssle im backstage vou banane
Mir füue clubs lääre havana club u gö mit vouer kasse
Schnäu am zäut rüttle e grossi frässe riisse
Blibe real no während mir „ar aare“ i aune käffer singe
Immer z wit tribe immer ufegstige
Si uf major deals iigstige und hei ufse gschisse
E riise output es riise aubum
U zersch liires au nur wider ume när sis au...
Hippsta kiddies finge üs so piinlech
U mir so easy miter hip-hop ziggi
Sige no geng so hert yep di böse buebe
I würd wär i öich villicht no gd chly blöder luege
Wi mir as dach chlopfe e rast in deitinge
Penne uf gepäckablage u när nümm heifinge
Gös glasse a i däm becki vouer heifische
No geng für au di lüt im obstbärg u breitsch nide
[Verse 2: Serej]
Widr ir booth unge junge aute junge junge
Mikrodschungu widr dr groove vom dritte unge dunge
Ds isch Chlyklass äs klasse auter klasse aute
Düreschnuufe gang abeschaute klappe haute
S geit witr wei witer ufe bis übere bode zoberst obe
Nähmes mitis bis ungere bode di paar hundert konzärt hundert am tobe
Unger strom geng no i Form geng no nid norm
Wenn nid hüt de morn de gits hits di hesch no hüt im ohr
Söu eine cho säge mir singi für d füchs eine cho säge mir sigi für nüt
Söu eine cho meine ds wo mir mache sig chabis u ghüder u tragi ke frücht
Witewäg uf ds spitze vom bärg i luege glasse zrügg
Chlyklass isch zrügg nume ds drs wüsst si si zrügg im gschäft
[Chorus]
Mir hei ke plan aber s geit no geng wi von allei
U mir si dört wo mer sicher nüt verlore hei
Die wone figg gä doch aus ne geng i schoss isch gheit
C. H. L... und so witer ok
Mir hei ke plan aber s geit no geng wi von allei
U mir si dört wo mer sicher nüt verlore hei
Ke bock uf öich toys was wie konkurränz
C. und so witer K.L.A. doppu S
[Verse 3: Baze]
Chlyklass si wou di houschte vo de hohle
Chly bsoffe ir gosse, chly pouschteret uf rose
Nach dä gigs au chohle i d’socke
Nid wöue ufhöre fiire us angscht vorem morge
Mir bringe nid immer aus uf d’reihe
Heinech chly zyt gla, iz si wider mir a der reihe
Chlyklass isch legändä, sitemne jahrzähnt
Prägemer räp i däm land, heimer doch gärn gmacht
Chlyklass hett nie usgseh wine hiphop gruppe
Di einte kiffe di andere schutte, oder beides
Mir si zrügg wi d’vokuhila
U dini kids pumpe üse sound vor dim huusigang
[Verse 4: Poul Prügu]
Si i dörfer igfaue wi heuschrecke, turnhaue
Meitschi wo vor freud schreie, bis zum umfaue
Im ruum, dr dunst vou jack u ruhm
15 jahr uf tour (nee), vergänglech ruhm
Hei gränze usglottet, texte zu schroff
Aues nur schrott danke füre support
Dumm schnurre und e grossi klappe
Zu grosse manne passe grossi tate
[Verse 5: Tiersch]
Ds isch Chlyklass im 15zehni steil über drissgi
Uf ds het niemer gwartet ds mir zrügg im bizz si
Diräkt uf d’überhouspur dr blinker links usä
Närvig vor de gigs no vierfingerdrinks suffä
Siteme haube jahrzehnt wäg vom fänschter
Schiins gitz itz ir schwiiz o ganschterräpper
Ab und zue inne gluegt bi de schwiizer musicawards
Mi fremdgschämt u zwüsche dürä chli suisa becho
[Chorus]
Mir hei ke plan aber s geit no geng wi von allei
U mir si dört wo mer sicher nüt verlore hei
Die wone figg gä doch aus ne geng i schoss isch gheit
C. H. L... und so witer ok
Mir hei ke plan aber s geit no geng wi von allei
U mir si dört wo mer sicher nüt verlore hei
Ke bock uf öich toys was wie konkurränz
C. und so witer K.L.A. doppu S