[Part Roumee]
Si rede mit gspautener Zunge
Und ds hautet üs Dungä
Säg mr wenn heimr ds aus überwundä
Z Kapitau bestimmt dis Läbä wine Gott
Hie chasch nur wärde was dä wosch
Wede Cash hesch und ä Job
Und a wän wosch di richte
We däm Ganze nüm trousch
Üsi Träne fliesse, solang
Bis mau z Fass überlouft
Vili gseh ke Grund, ds mä kämpft
O wemr nid diräkt öper schade
Heimr Bluet adä Händ
[Part 200BPM]
Entflammte Verstand
Gäge z`chaute Prinzip
Dr Sand im Gertrieb
Vo däm verstraute Betrieb
Mir bräche ihri Hybris
Mir wüsse was passiert
Wenn du de schwächere Hiufsch
Und den säuber zum Zieu wirsch
Zum Glück gits die Mönsche
Wo zum ändere bereit si
Wo erkämpfe, dass säch Länder jetzt verzeihe
Den vereine, das verneine wo us reinä Quelle
Gift für di Geist mixt
Chaostruppe-Wälle bräche
D`Netz vo däm Chefig JETZT
[Hook Pit]
Hie tritt Chaos gäge Ordnig ah
Smarties gäge Goliath
Es si immer no die chline Sachä
Wo is Oug chöi ga
[Hook Tilt & MQ]
Chum poog uf dr Strass
Verlore ir nacht
Bruchsch Dope füre Schlaf
Und Lohn füre Club
Es chotzt üs so a
Aber dHoffnig blibt da
Ds di Niemert me zaut
We dus Richtige machsch
[Part Migo]
Haubi 4i, Sunnti Morge
Imne Burgerking
I hanes zimlech klars Biud drvo
Wie d’Höu chönnt si
Hesch du paar Gaschos gha
De getrousch du di sogar ä
Chrone us Karton aazlege, i dr Euphorie
Auui hässig, tüe uf happy
Und heit vor nüt Angscht
Usserd vorem Mänti
Und ächt, i vergliich mi nid mit dir
Doch frässe mir gliich hie
I mehrerlei Hinsicht die gliichigi Schissi
[Part Tarick One]
Mi Widerstang nennsch
Verlohrnegi Chance
I bi im Club
Mit par Zombies am tanze
Oder iz Lääre am starre
I mim Zimmer
Dr Summer isch verbi
Es wird Winter für immer
Si verzeuemr vo Dräck wosi läse
I sig ächt chli drnäbe
Es sig e gfährlechi Gägend
Klar simr aues herti Sieche
Ha nume chli vergränneti Ouge
[Part Tilt]
I ha viu versuächt
Lueg wie dZit mi schluucht
Ha sit sächs Jahr
Nume ine Biudschirm gluegt
Scho aus chline Buäb
Mi vor vilem am fürchtä
D Schocktherapie isch am würke
Ha Liebi für d'Lücke
Doch zwüsche vier Liegestütze
Passe nomau vier Ligestütze
Niemert isch glücklech
Läbä stumpft ab, i schöpf hoffnig
Us me dämleche satz, F*ck
[Bridge Pit]
Hie tritt Chaos gäge Ordnig ah
Smarties gäge Goliath
Es si immer no die chline Sachä
Wo is Oug chöi ga
Chaos gäge Ordnig ah
Smarties gäge Goliath
Es si, Es si, Es si
Die chline Sachä, Sachä, Sachä
[Hook Pit]
Hie tritt Chaos gäge Ordnig ah
Smarties gäge Goliath
Es si immer no die chline Sachä
Wo is Oug chöi ga
[Hook Tilt & MQ]
Chum poog uf dr Strass
Verlore ir nacht
Bruchsch Dope füre Schlaf
Und Lohn füre Club
Es chotzt üs so a
Aber dHoffnig blibt da
Ds di Niemert me zaut
We dus Richtige machsch