[Fantom]

S on bagay mwen kòmanse mwen pap lache

Mwen gonfle ponyèt mwen nan figi sistèm nan m ap flache

E s on bagay mwen gen lakay mwen mwen pat al achte

Yon bout move kon kong mwen se kontrè tout sak lachte

Lontan m te gon pè tenis pye m te santi mayas

Ak de nesans mwen te Danyèl lari te rele m payas

Yo trete m nèg sal men sal pou sosyete mwen pat gen plas

Mwen kenbe diyite m fyète m kounya tout moun vle wè m anfas

Mwen vin prеmye lo sak jwe bingo se sou mwеn yo fè miz

Mwen montre sam vo sak vize wo sou mwen vle met anpriz

Yo pat konnen ni m pat plenyen men lè mwen pat gen anyen

Sa m te konnen yo pat konnen mwen te fèt pou mwen genyen

Vin gen rezon devan kras paske m gen lanmou pou dlo

Gen 4 sezon gen 4 fas m vin pi granmou vin pi gwo

Devan sa k t ap souzestime m ni sak t ap teke pye m

Sila yo k te vle avegle eklate tout sa k te vle bloke m

Mwen eklate

[Refrain By Marco]

I was born 2 win

[Bricks]

Dat m fèt se 3

Zòn m fèt se mas la

M fèt san papa

Se aprè l rekonèt shotta

Menm misye wè m s on kòb vèt

Depi m bebe m pwomèt

Vire a laj de 3 zan yon ti val pa vle wè pwòp tèt

Apè sa tout sa m te fè lè m te briye

M se nèg k abitye pase lekòl san menm etidye

Tout sa m ap fè m lage m ladann

E ceci san mezire m fout fò nan tout (nèt)

Bondye wè se sa m merite

Moman antèman te tcheke m li gade m li souri

Dekourajman vin tcheke m li jis wè m li kouri

Lè chanmbalan vle dejwe m yo tout wè m pi pouri

Yon malpalan k denigre m yo te prèt pou mouri

Se pou m moutre w se pa chans ki fè m la vre

Se pa koutwazi non big man ki fè m sa m ye (tonnè)

Se Bondye ki wè se mwen ka pote l (kòd la)

Bricks is the winner loser chita kopye l

[Refrain by Marco]

I was born 2 win

[Izolan]

A 19 an m te deside pou m fè street

Fanmi m pat janm dakò yo di m son manje k pot ko kwit

(Mwen t'al twò vit)

Pat gen pwoblèm anndan kay la pou m ret grangou

Menm te toujou ap panse kisa demen mwen ap devni

(Pat gen avni)

Mank parenaj fèm pa janm nan yon gwo lekòl

Edikasyon familyal mwen fè m kenbe yon pwotokòl

(Mwen pat pran dròg non)

Tenis nan pye m konn fache jiskaske l boude

Men m pat ka mete l poze paske m pat gen lòt pou m woule

(M konn reziye m)

Jean ki sou mwen m bay kou jiskaske l chire

Vye pantalon bay sou talon m nan defwa tou li konn fisire

M se sèl nèg mizè kenbe men men m pat fè figi m fennen

Menm lè li konn pran mwen a gagann

M konnen yon jou l t ap banm legen

Gade kounya wout la trase pou mwen

Ansanm ak Barikad le mond antye fikse sou mwen

(M te vize lwen)

Bondye pou mwen m toujou kwe nan lapriyè

Mwen fin venk etap fè nwa yo men kounya mwen nan limyè

[Refrain by Marco]

I was born 2 win

[Brital]

Brital brital

M ap reve jamè m fleri

Se tankou sa te predi

A bouch mwen m pote plezi

Laj mwen sa m fè moun yo sezi

Depi ou tande vwa m ou frik

Tèlman fè devwa mwen strik

Sou mwen ou pap menm ka pot kritik

Tout sam fè banm fanatik

Brital kap bay panik

Toto w konnen m gen full teknik

Pou m chanje pwoblemantik sistèm nan map grennen lirik

Mwen trè dinamik

Mwen s on sous enèjetik

Mwen se desandan Lafrik

Men m g on pase istorik

Mwen s on etwal kap briye gwo midi nan Pòtoprens lan

Se depi m fèt ak maji m reflechi m viv tankou prens lan

Mèsi Granmèt ap ban m pwisans lan poum travay an plen tan

Desten m predi, tout enpòtans yo fè m kanpe san krent lan

Tout moun konn valè m, solisyon tout pwoblèm

Brital sonw anblèm toujou pote gwo powèm

Chak jou m gen plis enpòtans nan je yo

Tout sa k ap pale m tande yo

Paske m toujou chofe yo

Fè m chon fle yo map pote yo