[Paroles de Ali Ssamid "Madre"]

[المقطع الأول]

منكدبش عليك ونقولك فرحان Madre

منكدبش عليك ونقولك معندي جراح ولا أحزان

شحال خبعت عليك ونقولك بلي راني مزيان

كنقولك بلي هانية وأنا في قلبي عيان

كنخبي عليك هموم الزنقة وعرفك بيا كتحس

فوجهك نبتسم ودموع فعيني تيبس

ديما نقولك بخير وخا نكون مكرفس

يما ديالي معايا في الحرية ولا فالحبس

الإنسانة الوحيدة لي عمرها بيا خوات

الإنسانة الوحيدة لي من قلبها عليا بكات

شحال سهرات، شحال وكلات وربات

شحال من دمعة من عيني مسحات وفيا احنت

ربي طولها في العمر خليها معيا

ملي كلشي خوى بيا، جبرتا حديا

عمرها فارقتني وخا طحت في بيت الخطر

عمرها سمحت فيا وخا كنت في الحبس مشبر

[اللازمة]

متبكيش، يمّا متبكيش

دموعك غالية، وغيرك أنا معنديش

ومتبكيش، يمّا متبكيش

متبكيش، فراقك مقديتش

متبكيش، يمّا متبكيش

دموعك غالية، وغيرك أنا معنديش

ومتبكيش، يمّا متبكيش

متبكيش، فراقك مقديتش

[المقطع الثاني]

Madre ثيق بيا

الوردة الوحيدة لي فحياتي

وخا نعيا منقول عمري نخرج لي فذاتي

من جيهتك، غنكون مقصر طول حياتي

وخا نطوف بك الكعبة وندعيلك في صلاتي

الوليدة، نبغيك بزاف

رضي عليا وزيد في رضاك من سخطك نخاف

كنتمنى ربي يقدر ونعوض لي راح

باغيك تكون مرتاحة باش أنا قلبي يرتاح

دعي معيا وصبر، متعملش في بالك

انا معاك حتا الكفن ياك انا الكبدة ديالك

يمّا راك دمي ومفتاخر انا ولدك

ربي يطول لك في العمر حتى تشوف ولاد ولادك

كابرين حداك ورضاك عندي تاج راسي

نموت انا من اجلك وعليك قدر نقاسي

ربيتي اولادك رجال من صغري كاع ناسي

شحال صبرتي معنا، نفديك بكل انفاسي

[اللازمة]

متبكيش، يمّا متبكيش

دموعك غالية، وغيرك أنا معنديش

ومتبكيش، يمّا متبكيش

متبكيش، فراقك مقديتش

متبكيش، يمّا متبكيش

دموعك غالية، وغيرك أنا معنديش

ومتبكيش، يمّا متبكيش

متبكيش، فراقك مقديتش