Cold Streets - Intellectual

(Intro)

Hey, ah

Yeah

Cold, cold streets

Yeah

(Chorus)

Mi know

Everybody wah live fi be a century

Inna dem place yah yuh lucky if yuh pass 20

Dawg

Dem wi sen yuh go morgue

Yeah, yeah

Affi wise

Watch eh step weh yuh ah step

And if see, yuh betta blind

And if you hear, yuh betta deaf

Oh lawd

Hear wahgwaan

(Verse 1)

20 year old just move back inna di scheme

Gah foreign fi couples years and now him just fly in

Mek ah likkle money and guh buy a Honda stream

And dawg, nobody nuh like that

So ah now dem start fi pre him, yeah

Couple years pass, now di Don guh see him

Him seh "Wahgwaan long time mi nuh see yuh mi G."

Di Don seh "Tings nuh good dwag cah some boy ah try run in and me ah guh need a money from yuh just fi buy some new machine."

Ricky seh "No dawg, different me ah pree"

Him seh "Mi cyah gi yuh that, so weh di fuck yuh mean?"

"Boy me ah wonder him yuh know ah we ah lock di scheme."

"Betta pinch yuhself becah yuh must deh inna ah dream."

Ricky reply, "Me not giving yuh anything."

"Do weh yuh wah. Anything ah anything."

Di Don seh "Yuh start sup'm weh yuh cannot win. Betta count yuh days because it limited"

(Chorus)

Mi know

Everybody wah live fi be a century

Inna dem place yah yuh lucky if yuh pass 20

Dawg

Dem wi sen yuh go morgue

Yeah, yeah

Betta wise watch eh step weh yuh ah step

And if see, yuh betta blind

Hear, yuh betta deaf

Oh lawd

Hear wahgwaan

(Verse 2)

With fear inna him heart Ricky run guh tell him friend

Seh "Di Don wah money fi buy gun fi him endz"

"And if him doh get it, di mount ah people goh dead"

Him friend seh "People ah guh dead, but ah nuh we ah affi dem."

"Me know ah dwag get some strap ah sell lately. 100 grand ah one, but me can talk him down to 80."

"Pull up pan dem endz den we show dem who a baby. Ah easy easy kill becah dem careless"

Ricky seh "Ah di said thing me ah try avoid. Me nuh wah fight fire wid fire."

Ricky friend seh "Dawg yuh affi protect yuh life cause if dem hold yuh gun alone ah guh save yuh ah nuh prayer"

(Bridge)

Cold, cold streets

If yuh say the wrong word then yuh dome goh leak

Or somebody yuh know goh bleed

Cold, cold world

Who don't hear goh learn

(Verse 3)

So Ricky strap up with ah ting weh new

Ready fi goh follow through

Nervous, but him tell himself him have sup'm fi prove

Wait him just ah wait fi dem bundle up like callalo

But sup'm else ah gwaan weh him nuh know him nuh have a clue

Ricky time is minimal

Him turn around and see him bredrin with a strap in hand

Ready fi guh buss it inna him face and mek a funeral

Ricky friend seh "Boy yuh shoulda know yuh nuh fi diss di Don."

Just through Ricky neva know dem done mek a plan

Get him fi buy som gun and mek sure seh di army strong

And if him nah cooperate, tek weh everything weh dem have

Before Ricky coulda get fi talk all him hear ah-

Ricky pan di gron ah gap

Nah feel nuh pain becah him body still deh inna shock

Ah choke inna him owna blood

Slowly him eye ah lock

Ricky gaan afta him friend, shot him with him owna strap

Ricky cover inna red

People ah tell him madda him not coming back

Everybody ah seh Ricky dead, but Ricky eye dem open back